كورس مضاد حيوى

من طرف **اسطفانوس** السبت مارس 23, 2013 10:04 pm

اعترف انى قلبت المضادت الحيوية قلبا شديدا
فكان حتما ولازما ولابد اذاكرها كويس
فقلت اسمعلكوا

تعالوا نبدأ كورس مضاد حيوي مكثف

بسم الله
الدرس الاول
مقدمة
المضادات الحيوية دي عبارة عن نوع من انواع ال chemotherapy
هدفها الاساسي تقضي على البكتيريا

ولانهم مجموعات وعائلات كان لابد كل عيلة تشتغل بطريقة تميزها عن غيرها

طيب تركيب البكتيريا الاساسي ايه؟
cell wall
cytoplasmic membrane
شوية DNA & RNA
ribosome
كورس مضاد حيوى General%20Bacteria

لو شبهناها بمصنع
نقول

السور هو الcell wall
الباب هو الcytoplasmic membrane
الماكينة هي الribosome
و طريقة التشغيل بتاعة الماكينة و الخامات المطلوبة كلها مكتوبة في ورقة في مكتب المدير اللى هو الDNA

المصنع ده اتعمل على ارض مش بتاعته ساكنها مجموعة من الناس اسمهم المضادات الحيوية
المضادات الحيوية دي عايز تهدم المصنع
تقوم تعمل ايه؟
المضادات الحيوية 4 قبائل كل قبيلة ليها طريقة معينة في الشغل

فيه 3 قبائل بيشتغلوا على السورcell wall
القبيلة الاولانية اسمها
قبيلة الbeta lactames
شغلتها على المفصلات اللى بين خشب السور
peptidoglycan transpeptidase
او ليها اسم تانى
penicillin binding protin (PBP)

القبيلة التانية
قبيلة الvancomycin & bacteriacin
ودي شغلتها على خشب السور نفسه
كل اما ييجوا يطولوه يمسك في طرف الخشبة ويمنع تطويلها
terminal end of the peptidoglycan chain

القبيلة التالتة
قبيلة ال cycloserine
و دي بتنخور في جزيات الخشب من اولها
و بتأثر على بداية تكوين السور
عشان بتمنع تكوين حاجة اسمها di d alanine

فيه قبيلة بتشتغل على البابcytoplasmic membrane
اسمها polymixins
و فيه حاجات تانية زيه بس ده اهم مثال
دي بتفتح الباب و تزود ال permiability

فيه 3 قبائل بيبوظوا الماكينة ribosome
الاولى بتشتغل على ال mRNA
التانية بتشتغل على ال 30S unit
التالتة بتشتغل على ال 50S unit

فيه قبيلتين بيبوظوا كتالوج التشغيل DNA
واحدة بطريقة مباشرة لانها بinhibit folate
والتانية بطريقة غير مباشرة

نلخص بقى

مهم السكيم الاولانى ده

عشان نبدأ بقى في كل قبيلة و عائلتها
واحدة واحدة
اللى يحب يساعدني و يكسب فيا ثواب يقول

منقول